லிஃப்ட் கீழே விழுந்து விபத்து: 7 பேர் படுகாயம்

திருவள்ளூர்: தனியார் திருமண மண்டபத்தில் நடந்த சீமந்தம் நிகழ்ச்சியில் லிஃப்ட் கீழே விழுந்து விபத்தானதில் கர்ப்பிணி பெண் உள்பட 7 பேர் படுகாயமடைந்தனர்.

திருவள்ளூர் மாவட்டம் புங்கம்பேடு பகுதியில் உள்ள திருமண மண்டபத்தில் ஜார்ஜ் என்பவரின் மனைவி சிந்துவிற்கு (23) சீமந்தம் நிகழ்ச்சி நடைபெற்றுள்ளது. அதில் கர்ப்பிணி பெண் உள்பட உறவினர்கள் ஏழு பேர் லிஃப்டில் இரண்டாவது தளத்திலிருந்து முதல் தளத்திற்கு இறங்கியுள்ளனர்.

அப்போது லிஃப்ட், முதல் தளத்திற்கு வரும்போது வேகமான கீழே விழுந்து விபத்துக்குள்ளானது. இதில் பயணித்த அனைவரும் படுகாயம் அடைந்தனர்.

உடனே உறவினர்கள் அந்த ஏழு பேரையும் அழைத்துக்கொண்டு அருகில் இருந்த மருத்துவமனையில் சிகிச்சைக்கு அனுமதித்தனர். இதுகுறித்து தகவலறிந்து சம்பவ இடத்திற்கு வந்த காவல் துறையினர் திருமண மண்டபம் மேலாளரிடம் விசாரணை நடத்தி வருகின்றனர்.

இதையும் படிங்க: புதுக்கோட்டையில் ரூ.27 லட்சம் மதிப்புடைய கஞ்சா பறிமுதல்!