பழவேற்காடு அடுத்த மீனவர் பகுதியில் நடுக்குப்பம் எனும் கிராமம் இருக்கிறது. இந்த கிராமத்தில் வசிப்பவர் ரமேஷ். இவர் கடந்த ஆண்டு தங்கள் வீட்டில் 15 சவரன் நகை கொள்ளையடிக்கப்பட்டது என்று காவல் நிலையத்தில் புகார் அளித்தார். இதன் பெயரில் காவல்துறையினர் நடுக்குப்பம் கிராமத்தில் சென்று சந்தேகத்தின் பெயரில் அப்பகுதியைச் சேர்ந்த இருவரை கைது செய்தனர்.
அரசு மருத்துவமனை
கிராம மக்கள் ரமேஷ் மீது கோபம் கொண்டு அவரை ஊரை விட்டு ஒதுக்கியதாகவும், பின்னர் ரமேஷ் தனியாக மீன்பிடித் தொழில் செய்து வந்ததாகவும் கூறப்படுகிறது. கடந்த ஒரு மாதத்திற்கு முன்பு ரமேஷுக்கும் கிராம நிர்வாகிகளுக்கும் பேச்சுவார்த்தை முற்றி கைகலப்பில் முடிந்தது. அப்போது ரமேஷ் மற்றும் அவருடைய தம்பி கார்த்திக்கும் தாக்கப்பட்டு ஸ்டான்லி மருத்துவமனையில் சிகிச்சை முடிந்து வீடு திரும்பினர்.