புதிய விநியோக கட்டடத்தை திறந்து வைத்த எம்எல்ஏ பலராமன்

திருவள்ளூர்: சோழவரம் அருகே 7 லட்சத்து 41ஆயிரம் ரூபாய் மதிப்பில் கட்டப்பட்ட பொது விநியோக கட்டடத்தை சட்டப்பேரவை உறுப்பினர் பலராமன் திறந்து வைத்தார்.

திருவள்ளூர் மாவட்டம் சோழவரம் ஊராட்சி ஒன்றியத்திற்குட்பட்ட சின்னம்பேடு ஊராட்சியில் கீழ் மேனி கிராமத்தில் 7 லட்சத்து 41 ஆயிரம் ரூபாய் மதிப்பில் புதிதாக பொது விநியோக கடை கட்டப்பட்டது.

இந்தப் புதிய கட்டடத்தை பொன்னேரி சட்டப்பேரவை உறுப்பினர் பலராமன் ரிப்பன் வெட்டி தொடங்கிவைத்தார். அப்போது, பொதுமக்களுக்கு இலவசமாக அரிசிகளை வழங்கினார்.

இதனைத் தொடர்ந்து, பொன்னேரி புதிய பேருந்து நிலையத்தில் எலக்ட்ரிக்கல் இருசக்கர வாகன நிலையத்தையும் அவர் திறந்து வைத்தார். இதில், ஊராட்சி செயலாளர் பரசுராமன், கூட்டுறவு விற்பனையாளர் சத்யா உள்ளிட்டோர் கலந்துகொண்டனர்.

இதையும் படிங்க:'நாங்கள் பட்டியலினத்தவர் அல்ல' - அனைத்து தேவேந்திரகுல வேளாளர் சமூக கூட்டணி அறிவிப்பு