திருவள்ளூர் அடுத்த காக்களூர் சிட்கோ தொழிற்பேட்டையில் உள்ள மருந்து மாத்திரைகளுக்கான மூலப் பொருட்களைத் தயாரிக்கும் நியூரோ தொழிற்சாலையில் நேற்று மாலை ஆறு மணியளவில் தீ விபத்து ஏற்பட்டது. இதுகுறித்து தீயணைப்புத் துறையினருக்கு தகவல் தெரிவிக்கப்பட்டதையடுத்து, விரைந்து வந்த தீயணைப்புத் துறையினர், கொளுந்துவிட்டு எரிந்த தீயை நீண்ட நேரம் போராடி கட்டுக்குள் கொண்டு வந்தனர்.
அசம்பாவிதங்களைத் தவிர்க்க முன்னெச்சரிக்கை நடவடிக்கையாக திருவள்ளூர், காக்களூர், பெரியகுப்பம் உள்ளிட்ட பகுதிகளில் மின் இணைப்பு முற்றிலும் துண்டிக்கப்பட்டது. இந்த தீ விபத்தில் பல லட்சம் மதிப்பிலான மூலப் பொருட்கள் எரிந்து நாசமானதாக தொழிற்சாலை தரப்பில் தெரிவிக்கப்பட்டது.
திருவள்ளூர் தனியார் தொழிற்சாலையில் தீ விபத்து