திருவள்ளூர் மாவட்டத்தில் கடந்த சில நாட்களாக தொடர்ந்து கனமழை பெய்து வருவதால், பூண்டி சத்தியமூர்த்தி நீர்த்தேக்கத்தில் நீர்வரத்து அதிகரித்தது. இதன் முழு கொள்ளளவானது 35 அடியாகும். தற்போது பெய்து வரும் கனமழையால் பூண்டி சத்தியமூர்த்தி நீர் தேக்கமானது 34 அடியை எட்டியுள்ளது.
எனவே அணையின் பாதுகாப்பை கருதி பூண்டி நீர்த்தேக்கத்தில் இருந்து சுமார் 3 ஆயிரம் கன அடி நீரானது வெளியேற்றப்பட்டது. இதன் காரணமாக வைகை ஆற்றில் வெள்ளப்பெருக்கு ஏற்பட்டுள்ளதால், மெய்யூர், ராஜபாளையம், பாதிரிவேடு உள்ளிட்ட 15க்கும் மேற்பட்ட கிராமங்களை சேர்ந்த பொதுமக்கள் பாதிக்கப்பட்டுள்ளனர்.
கொசஸ்தலை ஆற்றில் வெள்ளம் பெருக்கெடுத்து ஓடும் காட்சி