குன்றத்தூரை அடுத்த கெலடிப்பேட்டை, அண்ணா தெருவைச் சேர்ந்தவர் ஈஸ்வரி. இவர் குன்றத்தூரில் உள்ள இந்தியன் ஓவர்சீஸ் வங்கியில் தனது மகனின் திருமணத்திற்காக ரூ. 2 லட்சத்து 20 ஆயிரம் பணத்தை வங்கிக் கணக்கில் சேமித்து வைத்திருந்தார்.
சமீபத்தில் தனது வங்கி கணக்கை ஆய்வு செய்தபோது அதில் பணம் இல்லாததைக் கண்டு அதிர்ச்சி அடைந்தார். இதுகுறித்து காஞ்சிபுரத்தில் உள்ள இந்தியன் ஓவர்சீஸ் வங்கி அலுவலர்களிடம் புகார் அளித்ததையடுத்து, வங்கி அலுவலர்கள் விசாரணை மேற்கொண்டனர்.
அப்போது அதே வங்கியில் உதவியாளராக வேலை செய்து வந்த பழனிவேல் என்பவர் பணத்தை கையாடல் செய்தது தெரிய வந்ததையடுத்து அவரை குன்றத்தூர் காவல் துறையினரிடம் ஒப்படைத்தனர்.