சென்னை ஆவடி அருகே தமிழ்நாடு விளையாட்டு மேம்பாட்டு ஆணையமும், தனியார் கல்லூரி சார்பிலும் பல்கலைக்கழகங்களுக்கு இடையேயான மகளிர் கபடி போட்டி நடைபெற்றது. இரண்டு நாட்கள் நடைபெற்ற இந்தப் போட்டியில் அண்ணா பல்கலைக்கழகம், சென்னை பல்கலைக்கழகம் உள்ளிட்ட பல்வேறு தனியார் பல்கலைக்கழகங்களும் கலந்து கொண்டன.
இதில் கற்பகம் பல்கலைக்கழக மாணவிகள் முதல் பரிசையும், மதர் தெரேசா பல்கலைக்கழக மாணவிகள் இரண்டாம் பரிசையும், வேக்டெக் பல்கலைக்கழக மாணவிகள் மூன்றாவது பரிசையும் வென்றனர். வெற்றி பெற்ற அணிகளுக்கு தமிழ்நாடு பள்ளிக் கல்வித் துறை அமைச்சர் செங்கோட்டையன், தமிழ் ஆட்சிமொழி மற்றும் பண்பாட்டுத் துறை அமைச்சர் மாஃபா.பாண்டியராஜன் ஆகியோர் பரிசுகளை வழங்கினர்.
பின்னர் செய்தியாளர்களைச் சந்தித்த பள்ளிக் கல்வித்துறை அமைச்சர் செங்கோட்டையன், 'தமிழ்நாட்டில் விளையாட்டை ஊக்குவிக்கும் வகையில் ரூ. 64 கோடியே 72 லட்சம் நிதி ஒதுக்கப்பட்டுள்ளது. இதன் மூலம் ஒவ்வொரு ஊராட்சியிலும் கபடி, கைப்பந்து, மட்டைப்பந்து போன்ற விளையாட்டு போட்டிகள் நடைபெறும் என்றார்.
பள்ளி கல்வித்துறை அமைச்சர் செங்கோட்டை கபடி என்பது தமிழர்களின் பண்பாடு, கலாச்சாரத்தை எடுத்துரைக்கும் விளையாட்டு. இதற்கு, அரசு வேலை வாய்ப்பில் மூன்று விழுக்காடு இட ஒதுக்கீடு உள்ளது. இதுபோல விளையாட்டுத் துறையில் சிறந்து விளங்கும் வீரர்களுக்கும் மூன்று விழுக்காடு இட ஒதுக்கீடும், கபடி போன்று சிலம்பத்திற்கும் அரசு வேலை வாய்ப்பில் மூன்று விழுக்காடு இட ஒதுக்கீடு செய்ய நடவடிக்கை எடுக்கப்பட்டு வருகிறது' என்றார்.
இதையும் படிங்க : பளுதூக்கும் போட்டி - தமிழ்நாடு அணியில் இடம்பெறுவதற்கான தேர்வு!
