தமிழ்நாட்டில் பதினாறாவது சட்டப்பேரவைத் தேர்தல் நடைமுறைகள் அமலில் உள்ள நிலையில், மாநிலத்தின் பல்வேறு இடங்களிலும் பறக்கும் படையினர் வாகனங்களை சோதனையிட்டு வருகின்றனர்.
அதன் தொடர்ச்சியாக, திருவள்ளூர் மாவட்டம் சென்னை - திருத்தணி தேசிய நெடுஞ்சாலையில் வெங்கத்தூர் பகுதியில் பறக்கும் படைத் தலைவர் உதயசந்திரன் தலைமையில், சிறப்பு உதவி காவல் ஆய்வாளர் டேனியல் சுரேஷ் உள்ளிட்ட காவலர்கள் வேகமாக வந்த ஆடி காரை நிறுத்தி சோதனை செய்தனர். இதில் உரிய ஆவணங்கள் அற்ற ஒரு லட்சத்து 21 ஆயிரத்து 500 ரூபாய் ரொக்கத்தை காரில் இருந்த பையிலிருந்து பறிமுதல் செய்தனர்.