சென்னை செங்குன்றம் அடுத்த பாலவாயல் தர்காஸ் சாலையில் தனியாருக்கு சொந்தமான பழைய பிளாஸ்டிக் பொருள்களை மறுசுழற்சி செய்யும் குடோன் ஒன்று உள்ளது. சென்னை பட்டாளம் பகுதியைச் சேர்ந்த தீபக் என்பவர் கடந்த எட்டு மாதங்களாக இந்த பழைய பிளாஸ்டிக் பொருட்களை வாங்கி குடோனில் மறுசுழற்சி செய்து தலைநகர் டெல்லிக்கு ஏற்றுமதி செய்து வருவதாக கூறப்படுகிறது.
இந்த நிலையில் இன்று அதிகாலை நான்கரை மணியளவில் குடோனில் இருந்து தீப்பிழம்பு தெரியவரவே அக்கம்பக்கத்தினர் செங்குன்றம் தீயணைப்பு நிலையத்திற்கு தகவல் தெரிவித்தனர். தகவறிந்து சம்பவ இடத்திற்கு விரைந்த வந்த தீயணைப்பு வீரர்கள் நீண்ட நேரம் தீயை அணைக்க முயற்சித்தினர்.
தீ விபத்து