ஆந்திராவில் இருந்து தமிழ்நாட்டுக்குத் தொடரும் கஞ்சா கடத்தல்

திருவள்ளூர்: பேருந்தில் கடத்தி வரப்பட்ட 20 கிலோ கஞ்சாவைப் பறிமுதல் செய்த காவல்துறையினர் ஒரு பெண் உள்பட இருவரை கைது செய்து சிறையில் அடைத்தனர்.

திருவள்ளூர் மாவட்டம், கும்மிடிப்பூண்டி அடுத்த தமிழ்நாடு ஆந்திர எல்லையில் உள்ள எளாவூர் நவீன சோதனை சாவடியில் பாதிரிவேடு காவல்துறையினர் வாகன தணிக்கையில் ஈடுபட்டிருந்தனர். அப்போது நெல்லூரில் இருந்து சென்னை நோக்கி வந்த பேருந்தை மடக்கி சோதனையிட்டதில் பேருந்தில் 2 பைகளில் பதுக்கி வைக்கப்பட்டிருந்த 20 கிலோ எடையுள்ள கஞ்சாவைப் பறிமுதல் செய்தனர்.

ஆந்திராவில் இருந்து தமிழ்நாட்டுக்கு தொடரும் கஞ்சா கடத்தல்

பின்னர் பேருந்தில் சந்தேகத்திற்கிடமாக இருந்த 2 பேரை விசாரணை மேற்கொண்டதில் ஆந்திர மாநிலம் ராஜமந்திர் சேர்ந்த ரத்தினராஜ் 40, அதே பகுதியை சேர்ந்த சத்தியவாணி 26 என்பதும் இவர்கள் இருவரும் நெல்லூரில் இருந்து கஞ்சாவை விற்பனைக்காக கடத்தி வந்ததும் தெரியவந்தது. இதையடுத்து இருவரையும் கைது செய்த பாதிரிவேடு காவல்துறையினர் நீதிமன்றத்தில் ஆஜர்படுத்தி சிறையில் அடைத்தனர்.

இதையும் படிங்க :லாவேபோரா போலி என்கவுன்டர் : ”என் மகனை கொன்றது போல என்கவுன்டரில் என்னைக் கொன்றுவிடுங்கள்!” - ஆதரின் தந்தை வேதனை!