சென்னை அருகே உள்ள கொரட்டூர் ஏரியை சுற்றுலாத் தளமாக மாற்ற கடந்த ஆறு ஆண்டுகளாக பணிகள் நடைபெற்று வருகின்றன. அருகிலுள்ள அம்பத்தூர் தொழிற்பேட்டையில் உள்ள தொழிற்சாலை மற்றும் ஆவின் பால்பண்ணையிலிருந்து வெளியேறும் கழிவு நீர் கலந்து வந்தது.
இதுகுறித்து அப்பகுதி மக்கள் தொடர்ந்த வழக்கில், ஏரியில் எந்தவொரு கழிவு நீரும் கலக்கக் கூடாது என பசுமை தீர்ப்பாயம் உத்தரவு வழங்கியது. இந்நிலையில் நேற்றிரவு சென்னையில் பெய்த கன மழையால் அருகிலிருந்த குடியிருப்புப் பகுதிகளில் வெள்ளம் சூழ்ந்துள்ளது. இதனை அகற்ற சென்னை மாநகராட்சி ஊழியர்கள் காவல்துறை உதவியுடன் கொரட்டூர் ஏரியின் கரையை உடைக்க முயற்சி செய்தனர்.
ஏரியை உடைக்க முயன்ற மாநகராட்சி ஊழியர்கள்