திருவள்ளூர் நகர காவல் ஆய்வாளர் ரவிக்குமார் தனது வாகனத்தில் எப்போதும் பிஸ்கட், பழங்கள், ரொட்டிகள் ஆகியவற்றை வைத்துக்கொண்டு சாலையில் ரோந்து பணியில் ஈடுபடுவார். அப்போது, சாலையில் உணவின்றி தவித்துவரும் நாய்கள், குரங்குகள், மாடுகள் ஆகியவற்றிற்கு உணவளித்துவருகிறார். அவரது வாகனத்தை கண்டாலே தெரு நாய்கள் ஓடிவருகின்றன. அந்த நாய்களுக்கு பசியாற்றி அதில் மகிழ்ச்சியைத் தேடிக்கொள்கிறார்.
இது குறித்து நகர காவல் ஆய்வாளர் ரவிக்குமார் கூறுகையில், “மாவட்ட காவல் துறைக் கண்காணிப்பாளர் அரவிந்தன் உத்தரவின்பேரில் ஏழை மக்கள், பழங்குடியின மக்கள் ஆகியோருக்கு தேடிச்சென்று அவர்களுக்குத் தேவையான அரிசி, மளிகை பொருள், காய்கறிகள் என எங்களால் முடிந்த உதவிகளை செய்து வருகிறோம். அதே நேரத்தில் நான் தனிப்பட்ட முறையில் சாலையில் திரியும் விலங்குகளுக்கு உணவு அளித்துவருகிறேன்.
நாய்களுக்கு உணவளிக்கும் காவல் ஆய்வாளர்