திருவள்ளூர் மாவட்டம், பூண்டி ஒன்றியத்திற்குட்பட்ட பட்டரைபெரும்புதூர் கிராமத்தைச் சேர்ந்த தம்பதியினர் தினேஷ் - சுஜாதா. இவர்களுக்கு 7 வயது நிரம்பிய திலீப் குமார் என்ற மகன் இருந்துள்ளார். இந்நிலையில் திலீப் குமார், தனது நண்பர்களுடன் இணைந்து, அருகேயுள்ள பூண்டி ஏரியில் குளிக்கச் சென்றுள்ளார்.
அனைவரும் ஏரியில் குளித்துக் கொண்டிருக்கும்போது, திடீரென திலீப்குமார் சேற்றில் சிக்கியுள்ளார். மேலும் அவருக்கு நீச்சல் தெரியாததால், வெளியே வரமுடியாமல் வெகு நேரம் போராடியுள்ளார். இதனைக் கண்ட மற்ற சிறுவர்கள் காப்பாற்ற முடியாமல், கிராமத்தைச் சேர்ந்த பொதுமக்களிடம் தகவல் தெரிவித்தனர்.