திருவள்ளூர் மாவட்டம், பூந்தமல்லி ஒன்றியத்திற்குட்பட்ட ஊராட்சிகளில் உள்ளாட்சித் தேர்தல் 27ஆம் தேதி நடைபெறுகிறது. இதற்கான தேர்தல் பரப்புரை நேற்று மாலை 5 மணியுடன் முடிவடைந்தது.
இந்நிலையில், பூந்தமல்லி அருகேயுள்ள செம்பரம்பாக்கம் ஊராட்சியில் வாக்காளர்களுக்குப் புடவை விநியோகம் செய்யப்படுவதாக உள்ளாட்சித் தேர்தல் பறக்கும் படை மண்டல துணை வட்டாட்சியர் சங்கமித்திரைக்குத் தகவல் கிடைத்தது.
அதனடிப்படையில், சம்பவ இடத்திற்கு காவல் துறையினர், பறக்கும் படை அலுவலர்கள் விரைந்து சென்றபோது ஆட்டோவில் புடவைகளை விட்டுவிட்டு அந்த கும்பல் தப்பிச் சென்றது.