திருவள்ளூர் மாவட்டம் ஊத்துக்கோட்டை சுற்றுவட்டாரப் பகுதிகளில் சொகுசு கார்கள் திருடுபோவது தொடர் கதையாக இருந்துவந்தது. இதனால் மாவட்ட காவல் கண்காணிப்பாளர் உத்தரவின்பேரில் ஊத்துக்கோட்டை காவல் துணைக் கண்காணிப்பாளர் தலைமையில் தனிப்படை அமைக்கப்பட்டு குற்றவாளிகள் தீவிரமாகத் தேடப்பட்டுவந்தனர்.
பறிமுதல் செய்யப்பட்ட கார்கள் காவல் நிலையத்தில் வைக்கப்பட்டுள்ள காட்சி
இந்நிலையில் ஊத்துக்கோட்டை அம்பேத்கர் நகரைச் சேர்ந்த பிரவீன், கம்மார்பாளையத்தைச் சேர்ந்த வெங்கடேசன், நந்திமங்கலத்தைச் சேர்ந்த பரத் ஆகிய மூவரையும் சந்தேகத்தின் பேரில் காவல் துறையினர் பிடித்து விசாரணை நடத்தியதில் அவர்களுக்கும் கார் திருட்டிற்கும் தொடர்பிருப்பது தெரியவந்தது.