திருநெல்வேலி:கங்கைகொண்டானில் உள்ள சிப்காட் வளாகத்தில் பல்வேறு தொழில் நிறுவனங்கள் செயல்பட்டு வருகின்றன. இந்த பகுதியில் இருந்த ஏறத்தாழ அனைத்து இடங்களும் முடிவுற்ற நிலையில், மேற்கொண்டு தொழில் தொடங்குவதற்கு ஏதுவாக அதன் பின்பகுதியில் சுமார் 1,200 ஏக்கர் நிலத்தை கையகப்படுத்த அரசு திட்டமிட்டுள்ளது.
அந்த வகையில் அலவந்தான் குளம் கிராமத்திற்கு சொந்தமான 335 ஏக்கர் பஞ்சமி நிலம் கையகப்படுத்தப்பட உள்ளது. ஆனால் இந்த 335 ஏக்கர் நிலமும் அலவந்தான் குளம் கிராமத்திற்கு பாத்தியப்பட்டதாக உள்ளது. எனவே பல ஆண்டுகளாக அந்த கிராம மக்கள் நிர்வகித்து வரும் இந்த நிலத்தை, கால்நடை மேய்ச்சலுக்காகவும் விவசாயத்திற்காகவும் மக்கள் பயன்படுத்தி வருகின்றனர்.
நெல்லையில் பஞ்சமி நிலத்தை பாதுகாக்க தங்களது வீடுகளில் கறுப்பு கொடியை பறக்கவிட்டு ஒன்பது கிராம மக்கள் போராட்டத்தில் ஈடுபட்டனர்