திருநெல்வேலி: தமிழ்நாட்டில் கரோனா தொற்று வேகமாக பரவி வரும் நிலையில் திருநெல்வேலி மாவட்டத்தில் தொற்றால் பாதிக்கப்படுவோரின் எண்ணிக்கை நாளுக்கு நாள் அதிகரித்து வருகிறது.
இங்கு நாள்தோறும் 700க்கும் அதிகமானோர் தொற்றால் பாதிக்கப்படுகின்றனர். நோய் தொற்று பரவல் தடுப்பு நடவடிக்கையில் மாவட்ட நிர்வாகம் மற்றும் காவல்துறையினர் தீவிரமாக ஈடுபட்டு வருகின்றனர்.
இந்நிலையில் திருநெல்வேலி டவுன் காவல் நிலைய காவல்துறையினர் இன்று (ஜன.20) நெல்லையப்பர் கோயில் அருகே வாகன தணிக்கையில் ஈடுபட்டனர்.
அப்போது முகக்கவசம் அணியாமல் சென்ற வாகன ஓட்டிகளை மடக்கிப் பிடித்து கரோனா பரிசோதனை செய்ய வைத்தனர்.