தாயுடன் தூங்கிக்கொண்டிருந்த 7 மாத கைக்குழந்தை கடத்தல் - மூவர் கைது

திருநெல்வேலியில் தாயுடன் தூங்கிக்கொண்டிருந்த 7 மாத குழந்தையை கடத்திச்சென்ற மூவரை காவல் துறையினர் கைது செய்தனர்.

திருநெல்வேலி:அம்பை அருகேவுள்ள கீழ பாப்பாகுடி காட்டுநாயக்கன் தெருவைச்சேர்ந்தவர், கார்த்திக். இவரது மனைவி இசக்கியம்மாள். இவர்களுக்கு 7 மாத பெண் குழந்தை உள்ளது. கடந்த 19ஆம் தேதி இரவு வீட்டில் இசக்கியம்மாள் அவரது குழந்தையுடன் தூங்கிக்கொண்டிருந்தார். பின்னர் அடுத்த நாள் காலை எழுந்து பார்த்தபோது குழந்தை காணாமல் போனது தெரியவந்தது.

இதனையடுத்து குழந்தையின் பெற்றோர் பாப்பாகுடி காவல் நிலையத்தில் புகார் கொடுத்தனர். இதுதொடர்பாக பாப்பாகுடி காவல் துறையினர் வழக்குப்பதிவு செய்து குழந்தையை தீவிரமாகத் தேடினர். இந்நிலையில் செல்போன் சிக்னல், சிசிடிவி கேமராக்கள் மற்றும் நவீன தொழில் நுட்ப வசதியுடன் குழந்தையை கடத்திச்சென்ற நபர்கள் கண்டுபிடிக்கப்பட்டனர்.

இதனையடுத்து, அதே பகுதியைச் சேர்ந்த கனி (57), முத்துசெல்வி (30), ஆலங்குளத்தைச் சேர்ந்த கார்த்திகேயன் (34) ஆகிய மூவரும் குழந்தையைக் கடத்தி, ஆலங்குளத்தில் விற்க முயன்றது விசாரணையில் தெரியவந்தது. தொடர்ந்து குழந்தையை மீட்ட காவல் துறையினர், அவர்களைக் கைது செய்து விசாரணை செய்து வருகின்றனர்.

இதையும் படிங்க:சென்னையில் ஏடிஎம் இயந்திரத்தை உடைத்து கொள்ளையடிக்க முயன்ற இளைஞர் கைது