திருநெல்வேலி:தென் மாவட்டங்களில் புகழ்பெற்ற ஆலயங்களில் நெல்லையில் உள்ள நெல்லையப்பர் காந்திமதி அம்பாள் திருக்கோவிலும் ஒன்றாகும். இந்த கோவிலில் ஆண்டுதோறும் பல்வேறு திருவிழாக்கள் நடைபெறுவது வழக்கம்.
அந்த வகையில் கடந்த ஆகஸ்ட் 1 ஆம் தேதி ஆடிப்பூரத் திருவிழா கொடியேற்றத்துடன் தொடங்கியது. நாள்தோறும் அம்பாளுக்கு சிறப்பு அபிஷேகமும், தீபாராதனையும் நடைபெற்று வருகிறது.
பக்தர்களின்றி நடைபெற்ற காந்திமதி அம்பாள் வளைகாப்பு நிகழ்ச்சி
விழாவின் முக்கிய நிகழ்ச்சியான இன்று (ஆக.4) அம்பாளுக்கு வளைகாப்பு நிகழ்ச்சி நடைபெற்றது. இதையொட்டி அம்பாளுக்கு காலையில் சிறப்பு அபிஷேகமும், தீபாராதனையும் நடைபெற்றது. இதைத் தொடர்ந்து பக்தர்கள் இன்றி அம்பாளுக்கு வளைகாப்பு நிகழ்ச்சி நடைபெற்றது.