திருக்குறள் ஒப்புவிக்கும் நபர்களுக்கு 100 ரூபாய்க்கு பெட்ரோல் இலவசம்: நெல்லையில் சூப்பர் அறிவிப்பு
நெல்லைஅருகே சுத்தமல்லியில் திருவள்ளுவர் கழகத்தின் ஆறாம் ஆண்டு தொடக்க விழாவை முன்னிட்டு பல்வேறு நிகழ்ச்சிகளை முன்னெடுத்து வருகின்றனர். அதன் ஒரு பகுதியாக சுத்தமல்லி ஆறுமுகம் ஏஜென்சி பெட்ரோல் பங்க் நிர்வாகத்துடன் இணைந்து திருக்குறள் ஒப்புவிக்கும் நபர்களுக்கு ரூ.100க்கு பெட்ரோல் இலவசமாக வழங்கப்படும் என்ற அறிவிப்பை நேற்று வெளியிட்டிருந்தனர்.
இன்று காலை 9 மணி முதல் 10 மணி வரை இந்த திருக்குறள் ஒப்புவித்தல் நிகழ்ச்சி நடைபெறும் என்று தெரிவிக்கப்பட்டிருந்தது. இதையடுத்து சுத்தமல்லி மற்றும் சுற்றுவட்டார பகுதிகளைச் சேர்ந்த பல இளைஞர்கள் மற்றும் பொதுமக்கள் ஆர்வமுடன் வந்து திருக்குறளை ஒப்பித்தனர்.