தமிழ்நாட்டில் சென்னை, காஞ்சிபுரம், வேலூர், கோயமுத்தூர், நீலகிரி, நெல்லை உள்ளிட்ட 20 மாவட்டங்களில் வெப்பச் சலனம் காரணமாக லேசானது முதல் மிதமானது வரை மழை பெய்ய வாய்ப்பு உள்ளதாக வானிலை ஆய்வு மையம் அறிவிப்பு வெளியிட்டிருந்தது. நெல்லை மாவட்டத்தில் கடந்த சில தினங்களாக நிலவிய கடுமையான வெயிலின் தாக்கத்தால் பொதுமக்கள் பெரிதும் சிரமத்திற்கு உள்ளாகினர்.
வெப்பச்சலனத்தால் திருநெல்வேலி, தூத்துக்குடியில் மழை - திருநெல்வேலி, தூத்துக்குடியில் மழை
நெல்லை: வெப்பசலனம் காரணமாக திருநெல்வேலி, தூத்துக்குடி ஆகிய மாவட்டங்களில் பரவலாக மழை பெய்ததால் பொதுமக்கள் பெரும் மகிழ்ச்சியடைந்தனர்.
rain
இந்நிலையில் நேற்று நெல்லை மாவட்டத்தின் பல்வேறு பகுதிகளில் வெப்ப சலனம் காரணமாக மழை பெய்தது. நெல்லை மாநகர பகுதிகளில் சுமார் ஒரு மணி நேரத்திற்கு மேலாக மழை பெய்ததால் வெப்பம் தணிந்து குளுமையான சூழல் நிலவியது. இதனால் பொதுமக்கள் பெரும் மகிழ்ச்சி அடைந்துள்ளனர் மேலும் இந்த மழையால் அணைகளின் நீர்வரத்து அதிகரிக்கும் என்பதால் விவசாயிகள் பெரும் மகிழ்ச்சி அடைந்துள்ளனர்.
வெப்பச்சலனத்தால் திருநெல்வேலி, தூத்துக்குடியில் பெய்த மழை
இதே போன்று தூத்துக்குடியிலும் நேற்று காலை முதல் வானம் மேக மூட்டத்துடன் காணப்பட்டது. இதைத் தொடர்ந்து பிற்பகல் வேளையில் திடீரென கருமேகங்கள் திரண்டு தூத்துக்குடி மாவட்டம் முழுவதும் நல்ல மழை பெய்தது. இந்த மழையினால் தூத்துக்குடி மாநகரின் முக்கிய சாலைகளில் மழைநீர் பெருக்கெடுத்து ஓடியது.