தமிழ்நாடு சீருடை பணியாளர் தேர்வாணையம் நடத்திய காவல் துறை, சிறைத்துறை, தீயணைப்பு துறை இரண்டாம் நிலை காவலர்களுக்கான எழுத்துத் தேர்வில் தேர்ச்சி பெற்றவர்களுக்கு உடல்தகுதி தேர்வு நடைபெற்று வருகிறது.
திருநெல்வேலி மாவட்டத்தில் எழுத்து தேர்வில் தேர்ச்சி பெற்ற 3,437 ஆண்களுக்கும் 2,622 பெண்களுக்கும் உடல்தகுதி தேர்வில் கலந்துகொள்ள அழைப்பு கடிதம் அனுப்பப்பட்டது. இவர்களுக்கு திருநெல்வேலி மாவட்ட ஆயுதப்படை மைதானத்தில் உடல்தகுதி தேர்வு இன்று (ஜூலை.26) ஆரம்பமானது.
உடல்தகுதி தேர்வில் கலந்துகொள்ள வரும் தேர்வாளர்கள் அரசு அறிவித்திருக்கும் கரோனா தடுப்பு நடவடிக்கைகளை முறையாக பின்பற்ற அறிவுறுத்தப்பட்டுள்ளது. நாள் ஒன்றுக்கு 500 பேர் வீதம் இந்தத் தகுதி தேர்வில் கலந்துகொள்ளவுள்ளனர்.
காவலர் உடல்தகுதி தேர்வு