நெல்லையப்பர் கோயில் திருவிழா - தயாராகும் தேர்கள்

திருநெல்வேலி: நெல்லையப்பர் கோயில் தேர் திருவிழாவை முன்னிட்டு தேர்களை சுத்தம் செய்யும் பணி தொடங்கியுள்ளது.

திருநெல்வேலியில் உள்ள பிரசித்திப் பெற்ற நெல்லையப்பர் கோயிலின் ஆனி தேர் திருவிழா பிரபலமானது. இந்த வருடத்திற்கான தேர் திருவிழா நாளை காலை சுவாமி சன்னிதியில் உள்ள கோடி மரத்தில் கொடியேற்றத்துடன் தொடங்க உள்ளது. இதனைத் தொடர்ந்து ஜூலை மாதம் 14 ஆம் தேதி விழாவின் முக்கிய நிகழ்ச்சியான ஆனி திருவிழா தேரோட்டம் நடைபெறுகிறது.

இந்நிலையில் கடந்த சில நாட்களாக விழாவிற்கான முன்னேற்பாடு பணிகள் நடைபெற்றுவருகின்றன. அதன்படி, நெல்லையப்பர், காந்திமதி அம்பாள் தேர்கள் உட்பட 5 தேர்களையும் சுத்தப்படுத்தும் பணி நடைபெற்றது. நெல்லை மாவட்ட பாளையங்கோட்டை பகுதி தீயணைப்பு படையினர் தேர்களை சுத்தப்படுத்தும் பணி மேற்கொள்ளப்பட்டன. அதைத் தொடர்ந்து தேர்களின் அலங்காரப் பணிகள் நடைபெறவுள்ளது.