திருநெல்வேலி மாவட்டத்தில் கரோனா இறப்பு கணக்கின் முழுவிவரம் பற்றி தெரிந்துக்கொள்ள பாளையங்கோட்டையைச் சேர்ந்த வழக்கறிஞர் பிரம்மா என்பவர், தகவல் அறியும் உரிமைச் சட்டத்தின் கீழ் மாவட்டத்தின் அரசு பொது மருத்துவமனையின் பொது தகவல் அலுவலருக்கு மனு ஒன்று அளித்திருந்தார்.
அதில், மார்ச் மாதம் முதல் ஜூலை மாதம் வரை கரோனாவால் பாதிக்கப்பட்டு எத்தனை பேர் உயிரிழந்தனர். அவர்கள் என்னென்ன நோயால் பாதிக்கப்பட்டிருந்தனர், கரோனா நோயாளிகளை அடக்கம் செய்ய அரசு எவ்வளவு தொகை ஒதுக்கி உள்ளது என்பன உள்ளிட்ட கேள்விகளை எழுப்பியிருந்தார்.
இந்த மனுவுக்கு தகவல் அலுவலர் தற்போது அளித்த பதிலில், நெல்லையில் மே, ஜூன், ஜூலை, ஆகஸ்ட் ஆகிய நான்கு மாதங்களில் மட்டும் 285 பேர் கரோனாவால் பாதிக்கப்பட்டு உயிரிழந்ததாகவும், அதன்படி மே மாதம் ஒருவர், ஜூன் மாதம் 11 பேர், ஜூலை மாதம் 131 பேர், ஆகஸ்ட் மாதம் 142 பேர் என மொத்தம் இதுவரை 285 பேர் உயிரிழந்ததாக கூறினார்.