நாங்குநேரி தொகுதியில் நாங்கள் கண்டிப்பாக வெற்றி பெறுவோம் - காங்கிரஸ் வேட்பாளர்

திருநெல்வேலி: நாங்குநேரி இடைத்தேர்தலில் பொதுமக்கள் ஆர்வமுடன் வாக்களிப்பதாகவும், தேர்தல் ஆணையம் சிறப்பாக செயல்படுவதாகவும், இந்தத் தொகுதியில் தாங்கள் கண்டிப்பாக வெற்றி பெறுவோம் என்றும் காங்கிரஸ் வேட்பாளர் ரூபி மனோகரன் தெரிவித்துள்ளார்.

நாங்குநேரி இடைத்தேர்தலுக்கான வாக்குப்பதிவு இன்று காலை ஏழு மணிக்குத் தொடங்கியது. தொகுதி முழுவதும் பொதுமக்கள் காலையிலிருந்தே நீண்ட வரிசைகளில் நின்று வாக்களித்து வருகின்றனர். மொத்தம் இரண்டு லட்சத்து 57 ஆயிரத்து 418 வாக்காளர்கள் வாக்களிக்க உள்ளனர்.

கேடிசி நகர் பகுதியில் வாக்குப் பதிவு மையங்களுக்கு வந்த காங்கிரஸ் வேட்பாளர் ரூபி மனோகரன், இந்தத் தொகுதியில் தாங்கள் கண்டிப்பாக வெற்றி பெறுவோம் என்று நம்பிக்கை தெரிவித்தார்.

மேலும், பொதுமக்களுக்கு சிறப்பான ஏற்பாடுகளை செய்து கொடுக்குமாறும், வாக்களிக்க வரும் வாக்காளர்களுக்கு எந்த இடையூறும் இல்லாமல் பார்த்துக் கொள்ளுமாறும் அதிகாரிகளை அவர் கேட்டுக் கொண்டார்.

இதையும் படிங்க: