திருநெல்வேலியில் இரண்டாவது நாளாகத் தொடர் கனமழை

திருநெல்வேலி: டவுன், ஜங்ஷன், வண்ணாரப்பேட்டை உள்ளிட்ட இடங்களில் இரண்டாவது நாளாகத் தொடர்ந்து கனமழை பெய்தது.

தமிழ்நாட்டில் ஐந்து நாட்களுக்கு மழை பெய்யும் என வானிலை ஆய்வு மையம் அறிவித்தது. திருநெல்வேலி மாவட்டத்தில் நேற்று (நவ.12) பிற்பகல் முதல் பரவலாக மழை பெய்தது.

மாநகர் பகுதிகளான டவுன், ஜங்ஷன், வண்ணாரப்பேட்டை, புதிய பேருந்து நிலையம், பாளையங்கோட்டை உள்ளிட்ட இடங்களில் சுமார் அரை மணி நேரம் பலத்த மழை பெய்தது. தொடர்ந்து இரவு வரை திருநெல்வேலியில் விட்டுவிட்டு மிதமான மழை பெய்தது.

புறநகர் பகுதிகளான சுத்தமல்லி, வீரவநல்லூர், பத்தமடை, கங்கைகொண்டான், தச்சநல்லூர் உள்ளிட்ட இடங்களிலும் மிதமான மழை பெய்தது. இரண்டாவது நாளாக இன்று (நவ.13) திருநெல்வேலி மாவட்டத்தில் காலை முதல் மழை பெய்து வருகின்றது.

இரண்டாவது நாளாகத் தொடர் கனமழை

பாளையங்கோட்டை, ஜங்ஷன், டவுன், மகாராஜா நகர் உள்ளிட்டப் பகுதிகளில் விட்டு விட்டு கனமழை பெய்தது. இதனால் தாழ்வான பகுதிகளில் மழைநீர் தேங்கியுள்ளது. வாகனங்கள் மழைநீரில் ஊர்ந்து செல்கின்றன.

இரண்டாவது நாளாகத் தொடர் கனமழை

திருநெல்வேலியில் தொடர்ந்து மழை பெய்து வருவதால், இதமான சூழல் நிலவுகிறது. வடகிழக்குப் பருவமழை தொடங்கியபோது மாவட்டத்தில் போதிய மழை பெய்யாமல் இருந்தது.

தற்போது பெய்து வரும் மழையால் விவசாயிகள், பொதுமக்கள் மகிழ்ச்சி அடைந்துள்ளனர்.

இதையும் படிங்க:24 மணி நேரத்தில் டெல்டா மாவட்டங்களில் கனமழைக்கு வாய்ப்பு!