திருநெல்வேலி டவுன் பகுதியை சேர்ந்த ஐயப்பன், தனது உறவினர் கலைச்செல்வனுடன்குற்றால ரோடு சிஎஸ்ஐ கிறிஸ்து ஆலயம் எதிரில் உள்ள பரோட்டா கடைக்கு நேற்றிரவு (ஜன 16) சாப்பிட சென்றுள்ளார். அப்போது அவர்கள் இருவரையும், காரில் பின் தொடர்ந்து விரட்டி வந்த அடையாளம் தெரியாத நபர்கள், காரில் இருந்து மர்ம பொருள் ஒன்றை தூக்கு வீசியுள்ளனர். அது தரையில் பட்டதும் அதிபயங்கர சப்தத்துடன் வெடித்ததுள்ளது.
அதன்பின் காரில் இருந்து இறங்கிய அந்த கும்பல், ஜயப்பன் மற்றும் கலைச்செல்வனை, அரிவாள் உள்ளிட்ட ஆயுதங்களோடு விரட்டி உள்ளது. இவர்களிடம் இருந்து தப்பிய இருவரும், டவுன் காவல் நிலையத்தில் தஞ்சம் புகுந்தனர். இதையடுத்து உடனடியாக சம்பவ இடத்திற்கு சென்ற போலீசார், அப்பகுதியில் ஆய்வு நடத்தினர். நெல்லை மாநகர காவல் துறை துணை ஆணையாளர் சீனிவாசன் தலைமையில் அப்பகுதியில் போலீசாா் குவிக்கப்பட்டனர்.