தொடக்கப்பள்ளி ஆசிரியர்கள் கலந்தாய்வில் போராட்டம்!

நெல்லை: பாளையங்கோட்டையில் ஆசிரியர்கள் கலந்தாய்வு நடைபெற்ற பள்ளியில் நூற்றுக்கும் மேற்பட்ட தொடக்கப்பள்ளி ஆசிரியர்கள் முற்றுகை போராட்டத்தில் ஈடுபட்டனர்.

நெல்லை மாவட்டத்தில் தொடக்கப்பள்ளி தலைமையாசிரியர்கள் பணியிட மாறுதல் மற்றும் பதவி உயர்வுக்கான கலந்தாய்வு பாளையங்கோட்டை எஸ்.டி.சி பள்ளியில் நடைபெற்றது. முதன்மை கல்வி அலுவலர் பூபதி முன்னிலையில் 500க்கும் மேற்பட்ட ஆசிரியர்கள் கலந்தாய்வில் கலந்துகொண்டனர்.

இந்தக் கலந்தாய்வில் ஐந்து மாணவர்களுக்குக் கீழ் உள்ள பள்ளிகளில் பணியாற்றுபவர்களுக்குப் பதவி உயர்வு ஆகியவை மறைக்கப்பட்டுள்ளதாகக் கூறப்படுகிறது. இதற்கு எதிர்ப்பு தெரிவித்துத் தொடக்கப்பள்ளி ஆசிரியர் கூட்டணி மாவட்டச் செயலாளர் பால்ராஜ் தலைமையில் நூற்றுக்கும் மேற்பட்டவர்கள் ஆசிரியர்கள் கலந்தாய்வு நடக்கும் அறையை முற்றுகையிட்டு தரையில் அமர்ந்து போராட்டத்தில் ஈடுபட்டனர் .

இதனால் கலந்தாய்வு நடந்த இடம் பரபரப்புடன் காணப்பட்டது. இதுகுறித்து செய்தியாளர்கள் முதன்மைக் கல்வி அலுவலரிடம் கேட்ட போது அதற்கு அவர் சரிவரப் பதில் அளிக்காமல் இருந்துவிட்டார்.

இதையும் படிங்க: குன்னூர் கனமழையால் சாலையில் மண் சரிவு - சீரமைக்கும் பணிகள் தீவிரம்!