தமிழ்நாட்டில் கடந்த ஒரு மாதமாக கரோனா தொற்று அதிகரித்து வரும் நிலையில் திருநெல்வேலி மாவட்டத்திலும் நோய்த்தொற்று தொடர்ந்து அதிகரித்து வருகிறது. தற்போது தொற்று பாதித்தவர்களின் எண்ணிக்கை 500ஐக் கடந்துள்ளது. அரசு, தனியார் மருத்துவமனைகளில் 523 பேர் சிகிச்சையில் உள்ளனர்.
இன்று (ஏப்ரல். 8) ஒரே நாளில் மாவட்டத்தில் 79 பேருக்கு நோய்த்தொற்று உறுதி செய்யப்பட்டுள்ளது. மாநகரப் பகுதியில் மட்டும் 53 பேருக்கு தொற்று கண்டறியப்பட்டுள்ளது. குறிப்பாக மாநகரப் பகுதிக்கு உள்பட்ட பேட்டை செந்தமிழ் நகரில் ஒரே குடும்பத்தை சேர்ந்த 11 பேருக்கு தொற்று கண்டறியப்பட்டுள்ளது.