நாங்குநேரி சட்டப்பேரவைத் தொகுதி இடைத்தேர்தல் பிரசாரத்திற்காக நெல்லை வந்த திமுக எம்.பி கனிமொழி நெல்லை மாவட்டம் களக்காட்டில் உள்ள காந்தி சிலை, அண்ணா சிலை மற்றும் காமராஜர் சிலைக்கு மாலை அணிவித்து மரியாதை செலுத்தினார். அதனைத் தொடர்ந்து களக்காடு நாங்குநேரி சாலையில் அமைக்கப்பட்டுள்ள மதசார்பற்ற முற்போக்கு கூட்டணியின் தேர்தல் அலுவலகத்தை திறந்து வைத்தார்.
தேர்தல் பரப்புரையில் கனிமொழி
அப்போது பேசிய அவர், ‘நாங்குநேரி இடைத்தேர்தலுக்காக படையெடுத்து வரும் அமைச்சர்கள், மக்களின் பிரச்னைகளை தீர்க்க ஒரு அமைச்சரும் வந்தது கிடையாது. தமிழ்நாட்டில் பெண்களுக்கு பாதுகாப்பில்லாத சூழல் இருந்து வருகிறது. தேர்தலுக்கு தேர்தல் பணம் கொடுத்து வாக்கு வாங்கிவிடலாம் என்று மக்களை கொச்சைப்படுத்தி வருகின்றனர்’ என்று குற்றஞ்சாட்டினார்.