தேனி மாவட்டம், பெரியகுளம் வாகம்புளித்தெருவைச் சேர்ந்தவர்கள் அஜித்- அமீனா பேகம் தம்பதியினர். கடந்த 2014ஆம் ஆண்டு, இவர்களது மகள் ரோஸ் (எ) அஸ்மியா பானு (19)விற்கும், அப்பகுதியைச் சேர்ந்த மஜித் என்பவரது மகன் யாசர் அராஃபத்திற்கும் (30) திருமணம் நடைபெற்றது.
திருமணம் முடிந்த சில நாட்களில் இளம்பெண் அஸ்மியா பானு தூக்கிட்டு தற்கொலை செய்து கொண்டார். மாப்பிள்ளை வீட்டார் வரதட்சணை கேட்டு கொடுமைப்படுத்தியதால் தான், தங்களது மகள் தற்கொலை செய்து கொண்டதாக, அஸ்மியா பானுவின் பெற்றோர் காவல்நிலையத்தில் புகார் அளித்தனர்.
இதன்பேரில் வழக்குப்பதிவு செய்த பெரியகுளம் தென்கரை காவல்துறையினர், யாசர் அராபத், அவருடைய தாய் ராபியா பேகம் (50), சகோதரர் ரியாஸ் அகமது (35) மற்றும் சகோதரி ஜெனிபர் பாத்திமா (27) ஆகிய நான்கு பேரையும் கைது செய்து சிறையில் அடைத்தனர்.
தற்கொலை வழக்கில் ஆயுள் தண்டனைப் பெற்றவரை சிறைக்கு அழைத்து செல்லும் காவல்துறையினர்.