தேனி மாவட்டம் அல்லிநகரத்தைச் சேர்ந்தவர் ரவிக்குமார். இவரது மகன் ஜெய் ஜஸ்வந்த் (10). இவர் தேனியில் உள்ள தனியார் பள்ளியில் நான்காம் வகுப்பு படித்து வருகிறார். சிறுவயது முதல் நீச்சலில் இருந்த ஆர்வத்தினால் மாவட்ட விளையாட்டு அரங்கில் உள்ள நீச்சல் குளத்தில் பயிற்சி பெற்று வந்துள்ளார்.
தொடர்ந்து பள்ளிகளுக்கிடையேயான மாவட்ட அளவிலான போட்டிகளில் பங்கேற்று வெற்றி பெற்று வந்துள்ளார்.இந்நிலையில் சிறுவனின் திறமையை அறிந்த பயிற்சியாளர் விஜயகுமார் உலக சாதனை புரிவதற்காக சிறுவனைத் தயார் படுத்தினார்.
அதன்படி இலங்கையில் இருந்து இந்தியா வரை உள்ள 28 கிலோ மீட்டர் தூரத்தை 10 மணி 30 நிமிடத்தில் கரையை கடந்து புதிய உலக சாதனை படைத்துள்ளார்.