தேனி மாவட்டம் கம்பம் அருகே உள்ள புதுப்பட்டியில் உத்தமபாளையம் காவல் துறையினர் வாகன சோதனையில் ஈடுபட்டிருந்தனர். அப்போது அவ்வழியாக வந்த மினி வேனை வழிமறித்து சோதனைசெய்ததில், ஓட்டுநர் சரவணன் முன்னுக்குப் பின் முரணாகப் பதில் அளித்துள்ளார்.
சந்தேகமடைந்த காவல் துறையினர் வாகனத்தைச் சோதனையிட்டதில், தமிழ்நாட்டிலிருந்து கேரளாவிற்கு கடத்த முயன்ற சுமார் மூன்றாயிரத்து 600 கிலோ ரேஷன் அரிசி இருப்பதைக் கண்டுபிடித்தனர்.