தேனியில் நடைபயிற்சி சென்ற 80 வயது மூதாட்டியின் முகத்தில் மிளகாய்ப் பொடியைத் தூவி எட்டு சவரன் தங்கச் சங்கிலியைப் பறித்த இரண்டு இளைஞர்கள் மீது காவல் துறையினர் வழக்குப்பதிவு செய்து தீவிர விசாரணை நடத்திவருகின்றனர்.
தேனி மாவட்டம் அரண்மனைப்புதூர் அருகில் உள்ள முல்லை நகர் ஹவுசிங் போர்டு காலனியில் வசித்துவருபவர் லட்சுமி (80). இவர் வழக்கம்போல நேற்று (ஜன. 07) மாலை தனது வீட்டருகே உள்ள டாக்டர் காலனி பகுதியில் நடைபயிற்சி மேற்கொண்டுள்ளார்.
அப்போது இருசக்கர வாகனத்தில் வந்த அடையாளம் தெரியாத நபர்கள் இரண்டு இளைஞர்கள் (சுமார் 20 முதல் 30 வயதுடைய) மூதாட்டியின் முகத்தில் மிளகாய்ப் பொடியைத் தூவியுள்ளனர்.