நீட் தேர்வு ஆள்மாறாட்ட வழக்கில் கைது செய்யப்பட்ட மாணவர் உதித் சூர்யா, அவரது தந்தை வெங்கடேசன் அளித்த வாக்குமூலத்தில் மேலும் நான்கு மாணவர்கள் ஆள்மாறாட்டம் செய்திருப்பது தெரியவந்தது.
இதனையடுத்து, சென்னையைச் சேர்ந்த தனியார் மருத்துவக் கல்லூரி மாணவர்கள் பிரவின், ராகுல் இவர்களது தந்தை சரவணன், டேவிஸ், மாணவி அபிராமி அவரது தந்தை ஆகியோரை விசாரணைக்காக தேனியில் உள்ள அலுவலகத்திற்கு சிபிசிஐடி அலுவலர்கள் அழைத்துச்சென்றனர்.
மாணவர் ராகுல், அவரது தந்தையை கைது செய்த சிபிசிஐடி அதிகாரிகள்
இது குறித்து அவர்களிடம் மேற்கொண்ட விசாரணையில், சென்னை எஸ்.ஆர்.எம். மருத்துவக் கல்லூரியில் பயின்று வந்த மாணவர் பிரவின் ஆள்மாறாட்டம் மோசடி செய்தது தெரியவந்ததையடுத்து நேற்று நீதிமன்றத்தில் ஆஜர்படுத்தப்பட்டு தந்தை, மகன் இருவரும் சிறையில் அடைக்கப்பட்டனர்.