தேனி மாவட்டம் கூடலூர் அருகே உள்ள கருநாக்கமுத்தன்பட்டி இந்திரா காலணியைச் சேர்ந்தவர் சிவனேசன் (32). இவருக்கும் அதே பகுதியைச் சேர்ந்த இவரது உறவினர் செல்வம் (46) அவரது மனைவி செல்வி (41) தாய் ஈஸ்வரிக்கும் (71) குடும்ப பிரச்னை இருந்துள்ளது. கடந்த 2014ஆம் ஆண்டு செல்வத்தின் வீட்டிற்கு வந்த சிவனேசன் அங்கிருந்த மூதாட்டி ஈஸ்வரியை வெட்டிக் கொலை செய்தார். இதனைத் தடுக்க வந்த செல்வம் அவரது மனைவி செல்வியையும் அரிவாளால் வெட்டினார்.
இதில் இருவரும் படுகாயம் அடைந்து மருத்துவமனையில் அனுமதிக்கப்பட்டனர். இதனைத் தொடர்ந்து கூடலூர் காவல் துறையினர் செல்வத்தை கைது செய்து மூன்று பிரிவுகளின் கீழ் வழக்குப்பதிவு செய்தனர். இந்த வழக்கின் இறுதி விசாரணை இன்று தேனி மகிளா நீதிமன்றத்தில் நடைபெற்றது.