தேனி மாவட்டம் பெரியகுளம் ஒன்றியத்திற்கு உள்பட்ட கீழவடகரை ஊராட்சி மன்றத்தின் தலைவியாக இருப்பவர் செல்லராணி செல்வராஜ். இவர் தன்னை ஊராட்சிப் பணிகள் செய்ய விடாமல் தடுப்பதாக மாவட்ட ஊராட்சிக்குழு துணைத் தலைவர் ராஜபாண்டியன் மீது புகார் தெரிவித்திருந்தார்.
இது தொடர்பாக நேற்று முன்தினம் (அக.11) பெரியகுளத்தில் அனைத்து ஊராட்சி மன்றத் தலைவர்கள் கூட்டமைப்பின் அவசரக் கூட்டம் நடைபெற்றது.
அப்போது ஊராட்சிக்குழு துணைத் தலைவரை கண்டித்து அனைத்து ஊராட்சி மன்றத் தலைவர்கள் கூட்டமைப்பினர் தீர்மானம் நிறைவேற்றினர்.