தேனி மாவட்டம், ஆண்டிபட்டி அருகே உள்ள டி. சுப்புலாபுரம் கிராமத்தில் ஊராட்சி ஒன்றிய தொடக்கப்பள்ளி, அரசு மேல்நிலைப்பள்ளி செயல்பட்டுவருகிறது. ஊராட்சி ஒன்றிய தொடக்கப்பள்ளியில் இந்த ஆண்டு நாற்பது குழந்தைகள் முதலாம் வகுப்பில் சேர்க்கப்பட்டுள்ளனர்.
கோடை விடுமுறைக்கு பின்னர் 2019 - 20ஆம் கல்வியாண்டிற்கான பள்ளி இன்று திறக்கப்பட்ட நிலையில், முதல் நாளான இன்று பள்ளிக்கு வருகை தந்த மாணவ – மாணவிகளை அசத்தும் வகையில் ஆசிரியர்கள் வரவேற்பு அளித்தனர். இளம் பிள்ளைகளான மாணவர்களை மாலை அணிவித்து மேளதாளங்கள் முழங்க ஊர்வலமாக பள்ளிக்கு ஆசிரியர்கள் அழைத்து வந்தனர். இதேபோல தொடக்கப்பள்ளியில் ஐந்தாம் வகுப்பு படித்த 80 மாணவ – மாணவிகளையும் மாலை, மேளதாளங்களுடன் வரவேற்பு தந்தனர்.