கரோனா பெருந்தொற்று பரவலைக் கட்டுப்படுத்த நாடு முழுவதும் ஊரடங்கு உத்தரவு அமல்படுத்தப்பட்டுள்ளது. இதனால் அரசு மற்றும் தனியார் தொழிலாளர்கள் எனப் பலரும் வருமானமின்றி வீட்டிலேயே முடங்கியுள்ளனர். இதனால் தன்னார்வலர்கள், சமூக செயற்பாட்டாளர்கள் உள்ளிட்டோர் தத்தமது உதவிகளை இயன்ற அளவில் செய்து வருகின்றனர்.
இந்நிலையில், தமிழ்நாடு அரசுப் போக்குவரத்துக் கழகம், திண்டுக்கல் மண்டலப் போக்குவரத்து அலுவலர்களின் சார்பாக தேனி மாவட்டத்தில், பணியாற்றும் தூய்மைப் பணியாளர்கள், பேருந்து சுத்தம் செய்பவர்கள், டிக்கெட் கேன்வசர்கள் என மொத்தம் 90 நபர்களுக்கு, 10 கிலோ அரிசி, காய்கறி என்பன போன்ற பொருட்களை மண்டல பொது மேலாளர் கணேசன் வழங்கினார்.