கரோனா தீநுண்மி தொற்று காரணமாக நாடு முழுவதும் வரும் மே மூன்றாம் தேதிவரை ஊரடங்கு உத்தரவு அமல்படுத்தப்பட்டுள்ளது. இந்த ஊரடங்கில், விவசாயப் பணிகளுக்கு விலக்களிக்கப்பட்டு விவசாயிகள் சென்றுவருவதற்கு அண்மையில் அடையாள அட்டை வழங்கப்படுகின்றது.
இந்நிலையில் தேனி மாவட்டம் பெரியகுளம் பகுதி விவசாயிகளுக்கு தோட்டக்கலைத் துறையினர் நேற்று அடையாள அட்டை வழங்கினர். பெரியகுளம் தென்கரை பகுதியில் உள்ள விவசாயிகள் சங்க மண்டபத்தில் வழங்கப்பட்ட இந்த அடையாள அட்டையைப் பெறுவதற்காக நூற்றுக்கணக்கான விவசாயிகள் ஒரே நேரத்தில் குவிந்தனர்.
அடையாள அட்டை: தகுந்த இடைவெளி காணோம்
இதனால் அங்கு தகுந்த இடைவெளி கேள்விக்குறியானது. இது குறித்து தகவலறிந்த கரோனா தடுப்பு சிறப்பு அலுவலரான மாவட்ட வருவாய் அலுவலர் சம்பவ இடத்திற்கு வந்து அடையாள அட்டை வழங்குவதைத் தடுத்து நிறுத்தினார்.