ரஜினி அரசியல் வருகையை வரவேற்கிறோம் - துணை முதலமைச்சர் ஓ.பன்னீர்செல்வம்!

தேனி: நடிகர் ரஜினியின் அரசியல் வருகையை வரவேற்கிறோம். அவரது வரவு நல்வரவாக அமையட்டும் என துணை முதலமைச்சர் ஓ.பன்னீர்செல்வம் தெரிவித்துள்ளார்.

நடிகர் ரஜினிகாந்த் வருகின்ற 2021 ஜனவரி மாதம் அரசியல் கட்சி தொடங்குவதாகவும், அதற்கான அறிவிப்பு வருகின்ற டிசம்பர் 31ஆம் தேதி வெளியாகும் என தனது அரசியல் வருகை குறித்து இன்று(டிச.3) தெரிவித்திருந்தார். இந்நிலையில் அவரது அரசியல் வருகைக்கு பல்வேறு தரப்பினரும் கருத்து தெரிவித்து வருகின்றனர்.

அந்த வகையில் அதிமுக ஒருங்கிணைப்பாளரும், தமிழ்நாடு துணை முதலமைச்சருமான ஓ.பன்னீர்செல்வம் அளித்த பேட்டியில், சிறந்த திரைப்பட நடிகர் ரஜினிகாந்தின் அரசியல் வருகையை நாங்கள் வரவேற்கிறோம். அவரது வரவு நல்வரவாக அமையட்டும் என தெரிவித்தார்.

மேலும் கூட்டணி தொடர்பான கேள்விக்கு பதிலளித்த அவர், எதிர்வரும் காலங்களில் அரசியலில் எதுவும் நிகழலாம். வாய்ப்பிருந்தால் கூட்டணி அமையும் எனக்கூறினார்.