தேனி:பெரியகுளம் பகுதியில் உள்ள சோத்துபாறை அணையில் நேரடி பாசனமாக 2,865 ஏக்கர் நிலங்கள் உள்ளது. அதில் 1,500 ஏக்கர் புதிய ஆயக்கட்டு பாசனத்திற்கு நீர் செல்லும் வாய்க்கால் முழுவதும் புதர் மண்டி, பல இடங்களில் மண் சரிந்து நீர் செல்ல முடியாத நிலையில் உள்ளது.
ஆயக்கட்டு வாய்க்கால் பணி- விவசாயிகள் தூர்வாரும் பணியில் தீவிரம்!
அடுத்த மாதம் பாசனத்திற்கு நீர் திறக்கப்பட உள்ள நிலையில் திறக்கப்படும் நீர் கடைமடை வரை செல்ல முடியாத நிலையில் உள்ளது. இதனால் புதிய ஆயக்கட்டு விவசாயிகள் ஒன்றிணைந்து வாய்க்காலில் அடர்ந்து படர்ந்துள்ள புதர்களை அகற்றியும், வாய்க்காலில் சரிந்துள்ள மண்மேடுகளை அகற்றி தூர் வாரும் பணியில் ஈடுபட்டுள்ளனர்.