நீலகிரி மாவட்டத்தில் புலி தாக்கி பெண் பலி; பொதுமக்கள் அச்சம்
நீலகிரி: முதுமலை புலிகள் காப்பக யானைகள் வளர்ப்பு முகாம் பின்பகுதியில் மாரி(50) என்ற பழங்குடியின பெண் புலி தாக்கி உயிரிழந்துள்ளார். நேற்று மாலை முதல் மாரி (50) என்ற பெண் காணாமல் போன நிலையில் இன்று வனப்பகுதியில் இறந்த நிலையில் இருந்துள்ளார். சம்பவ இடத்திற்கு சென்றுள்ள வனத்துறையினர் உடலை மீட்கும் பணியில் ஈடுபட்டுள்ளனர்.
மேலும் வனத்துறையினர் புலியின் கால்தடங்களை வைத்து ஆய்வு நடத்தி, வேட்டை தடுப்பு காவலர்கள் உதவியுடன் புலியை தேடும் பணியில் ஈடுபட்டு வருகின்றனர். கடந்த சில நாட்களுக்கு முன்பு இதே பகுதியில் வேட்டை தடுப்பு காவலரை புலி தாக்கியது குறிப்பிடத்தக்கது.