நீலகிரியில் காட்டெருமை தாக்கி ஒருவர் பலி

நீலகிரி: குன்னூர் அருகே காட்டெருமை தாக்கி ஒருவர் சம்பவ இடத்திலேயே பரிதாபமாக உயிரிழந்தார்.

நீலகிரி மாவட்டம் குன்னூர் அருகே அட்டடி பகுதியில் காட்டெருமை நடமாட்டம் அதிகமாக உள்ளது. இன்று (அக்.26) அதிகாலை அப்பகுதி வழியாக நடந்து வந்த ரஞ்சித் குமார் என்பவரை காட்டெருமை தாக்கியது.

இதில் அவர் சம்பவ இடத்திலேயே பரிதாபமாக உயிரிழந்தார். தகவலறிந்து சம்பவ இடத்திற்கு வந்த குன்னூர் டிஎஸ்பி சுரேஷ், வனத்துறையினர் ஆகியோர் அவரது உடலை கைப்பற்றி உடற்கூராய்விற்காக குன்னூர் அரசு மருத்துவமனைக்கு அனுப்பி வைத்தனர்.

இச்சம்பவம் குறித்து வழக்குப்பதிவு செய்யப்பட்டுள்ளது. அட்டடி பகுதியில் தொடர்ந்து காட்டெருமைகள், சிறுத்தை நடமாட்டம் அதிகமாக உள்ளதால் வனத்துறையினர் தொடர்ந்த கண்காணிப்பு பணிகளை தீவிரப்படுத்த வேண்டும் என அப்பகுதி மக்கள் கோரிக்கை வைத்துள்ளனர்.

இதையும் படிங்க: குடியிருப்பு வளாகத்தில் சிறுத்தை - கண்காணிப்பு பணியில் வனத்துறையினர்