தொடர் விடுமுறை எதிரொலி - குளிர் நகரில் குவிந்த சுற்றுலாப் பயணிகள்!

நீலகிரி: தொடர்ந்து மூன்று நாட்களுக்கு விடுமுறை என்பதால், உதகையில் சுற்றுலாப் பயணிகளின் வருகை அதிகரித்துள்ளது.

ஆயுத பூஜை பண்டிகையை முன்னிட்டு தொடர்ந்து மூன்று நாட்களுக்கு அரசு விடுமுறை என்பதால், நீலகிரி மாவட்டம் ஊட்டியில் சுற்றுலாப் பயணிகளின் வருகை அதிகரித்துள்ளது.

தமிழ்நாடு, கேரளா, கர்நாடகம் உள்ளிட்ட பல்வேறு மாநிலங்களைச் சார்ந்த ஆயிரக்கணக்கான சுற்றுலாப் பயணிகள் உதகையில் குவிந்ததால், ஒரே நாளில் உதகையில் கடும் போக்குவரத்து நெரிசல் ஏற்பட்டுள்ளது.

மேலும் உதகை தாவரவியல் பூங்கா, ரோஜா பூங்கா, படகு இல்லம் உள்ளிட்ட அனைத்து சுற்றுலாத் தலங்களையும் சுற்றுலாப் பயணிகள் ஆர்வத்துடன் கண்டு ரசித்து செல்கின்றனர். மேலும் தற்போது ஊட்டியில் இதமான காலநிலை நிலவுகிறது.

இதையும் படியுங்க:

தொடர் விடுமுறை: குரங்கு அருவியில் குவிந்த சுற்றுலாப் பயணிகள்!