வங்கக் கடலில் உருவாகி உள்ள புரெவி புயல், இலங்கையைக் கடந்து தென் தமிழ்நாடு நோக்கி நகர்ந்துவருகிறது. இன்றிரவு அல்லது நாளை அதிகாலை கன்னியாகுமரி-பாம்பனுக்கு இடையில் கரையைக் கடக்கும் என்று வானிலை ஆய்வு மையம் தெரிவித்துள்ளது. அதன் காரணமாக பல்வேறு மாவட்டங்களில் மிதமானது முதல் கனமழை வரை பெய்துவருகிறது.
அதைத்தொடர்ந்து உதகை, அதன் சுற்றுவட்டாரப் பகுதிகளில் கடும் பனிமூட்டத்துடன் மழை கொட்டிவருகிறது. அதனால் வாகனவோட்டிகள் மிகுந்த சிரமத்திற்குள்ளாகி உள்ளனர். மழையுடன் குளிரின் தாக்கமும் வழக்கத்தைவிட அதிகமாக உள்ளதால், பொதுமக்களின் இயல்பு வாழ்க்கை கடுமையாகப் பாதிக்கப்பட்டுள்ளது.
இதையும் படிங்க:புரெவி புயல்: பாம்பனில் 60 கி.மீ. வேகத்தில் வீசும் சூறைக்காற்றால் பொதுமக்கள் அச்சம்