நீலகிரி மாவட்டம், கூடலூர் வனச்சரகத்திற்கு உள்பட்ட கொச்சு குன்னு தனியார் எஸ்டேட் வனப்பகுதியில், குட்டி யானை ஒன்று இரண்டு தினங்களுக்கு முன்பு உயிரிழந்தது. இதுகுறித்து தகவலறிந்த வனத்துறையினர் சம்பவ இடத்துக்கு விரைந்தனர்.
உயிரிழந்த யானை அருகே செல்ல முடியாமல் தவிக்கும் வனத்துறையினர்.
அப்பகுதியில் தாய் யானை அடங்கிய மூன்று யானைகள் கூட்டமாக நின்று கொண்டிருப்பதால், வனத்துறையினர் குட்டி யானை அருகில் நெருங்க முடியாத சூழல் ஏற்பட்டது. இறந்த யானை அருகே நெருங்க முயற்சித்தாலும், வனத்துறையினரை அந்த யானைகள் கூட்டம் விரட்டி வருகின்றன.