நீலகிரி மாவட்டம், குன்னூரில் ஜிம்கானா மைதானம் உள்ளது. ராணுவக் கட்டுபாட்டில் இயங்கிவரக்கூடிய இப்பகுதியில், ராணுவ வீரர்களுக்கு ஹெலிகாப்டர் பயிற்சி அளிக்கப்பட்டு வருகிறது.
இந்நிலையில் இன்று காலை முதல் நண்பகல் வரை ராணுவ வீரர்களுக்கு ஹெலிகாப்டரை தரையில் இருந்து உயர்த்திச் செல்லும் பயிற்சி, பேரிடர் காலத்தில் மீட்புப் பணிகளை மேற்கொள்ளும் பயிற்சி, அந்தரத்தில் சிறிது நேரம் ஹெலிகாப்டரை நிறுத்தும் பயிற்சி உள்ளிட்ட பயிற்சிகள் அளிக்கப்பட்டன.