சத்தியமங்கலம் வனப்பகுதியில் செப்டம்பர் மாதம் பிறந்து பத்து நாள்களே ஆன பெண் யானைக்கன்றை அதன் தாய் யானை விட்டுச் சென்றதால், தாயைப் பிரிந்த துக்கத்தில் சுற்றித் திரிந்துள்ளது. இதனையடுத்து அந்த யானைக்கன்றை தாயுடன் சேர்க்கும் முயற்சியில் வனத் துறையினர் கடந்த பத்து நாள்களாகத் தீவிரமாக ஈடுபட்டுவந்தனர். ஆனால் அந்த முயற்சி ஏதும் பலனளிக்கவில்லை.
தாயைப் பிரிந்து தவிக்கும் அம்மு யானை
இந்நிலையில், அந்த யானைக்கன்றுக்கு வனத் துறையினர் 'அம்மு' எனப் பெயர் சூட்டியுள்ளனர். தற்போது, இந்த அம்மு யானை சத்தியமங்கலத்திலிருந்து முதுமலை புலிகள் காப்பகத்தில் யானைகள் வளரும் இடத்திற்கு கொண்டுவரப்பட்டது. அம்முவை பராமரிக்க பழங்குடியின பாகன் ஒருவரை வனத் துறையினர் நியமித்துள்ளனர்.