நீலகிரி மாவட்டம், கூடலூர் அருகேயுள்ள தேவாலா பகுதியில் வீடு, கடைகளை சேதப்படுத்தி வரும் இரண்டு காட்டு யானைகளை விரட்ட முதுமலையிலிருந்து வில்சன், உதயன், ஜான் ஆகிய மூன்று கும்கி யானைகள் கொண்டு வரப்பட்டன.
இந்த கும்கி யானைகளை கொண்டு காட்டு யானைகளை விரட்டும் பணி கடந்த மூன்று நாள்களாக நடைபெற்று வருகிறது. இன்று (ஏப்.23) கரியசோலை அருகே முகாமிட்டிருந்த இரண்டு காட்டு யானைகளை கும்கி யானைகள் கொண்டு விரட்டும் பணி நடந்துவந்தது.
கும்கிக்கு மதம் பிடித்தததால் பரபரப்பு!
இந்தச் சூழ்நிலையில் வில்சன் கும்கி யானைக்கு திடீரென மதம் பிடித்தது. வில்சன், சக கும்கி யானையான உதயனை துரத்தத் தொடங்கியது. யானையை கட்டுப்படுத்த முயன்ற பாகனையும் வில்சன் துரத்தியது.